జపాన్ ఇంటర్నెట్ స్పీడ్ విషయంలో ఊహించని అద్భుతాలు ఆవిష్కరించింది. .నేటి సాంకేతిక యుగంలో బహుశా సమీప భవిష్యత్తులో ఇంత ఇంటర్నెట్ స్పీడ్ ను ఏ దేశము అధిగమించే అవకాశం కూడా లేదు .నిరంతర పరిశోధన , ప్రయోగాలద్వారా భవిష్యత్తును మార్చేయబోతొంది. క్షణంలో అరచేతిలో ప్రపంచాన్ని ఆవిష్కరించబోతొంది. ఇంటర్నెట్ రంగంలో అంత అప్రతిహతమైన అద్భుతమైన విజయాన్ని జపాన్ నిశ్శబ్దంగా సొంతం చేసుకుంది.
ఒక సెకనుకు 1.02 పెటాబైట్స్ వేగంతో ఇంటర్నెట్ లో ఫైల్స్ ట్రాన్స్ఫర్ లో ఈ రికార్డు సాధించింది . అంటే సెకండ్ కు పది లక్షల గిగా బైట్స్ డౌన్లోడింగ్ కెపాసిటీ అన్నమాట . ఊహించడానికే కష్టంగా ఉంటుంది. లెక్కవేయడానికి మరీ కష్టంగా ఉంటుంది. దీన్ని ఇంకా వివరంగా చెప్పాలంటే నెట్ ఫ్లిక్స్ సినిమాల లైబ్రరీ మొత్తాన్ని ఒక్క సెకండ్ లో డౌన్లోడ్ చేసే అద్భుతం అన్నమాట . జపాన్ లో దీన్ని 194 కోర్ ఫైబర్ ఆప్టిక్ కేబుల్ తో ఈ విజయాన్ని సాధించారు .
52 కిలోమీటర్లు దూరంలో ఈ డేటా డాన్సర్ ఒక్క సెకండ్లో చేయగలిగారు. అంటే 10 మిలియన్ ల 8K వీడియోస్ ఒకేసారి డౌన్ లోడ్ అన్నమాట. లేదా ఇంగ్లీష్ వికీపీడియా మొత్తాన్ని పదివేల దఫాలు ఒక్క సెకండ్ లోపల డౌన్లోడ్ చేసుకోగల కెపాసిటీ జపాన్ ఇంటర్నెట్ సాధించింది. ప్రయోగశాలలో దీన్ని అద్భుతంగా పరీక్షించిన శాస్త్రవేత్తలు,ఇంజనీర్లు ఇంకా బహిరంగం చేయలేదు . భవిష్యత్తులో ఇంటర్నెట్ ఎలా ఉండబోతుంది ఎంత అద్భుతాన్ని సాధించబోతోంది అని దీని ద్వారా జపాన్ ప్రపంచానికి తెలియజేసింది .
