ప్రముఖ శివ భక్తుడు కన్నప్ప జీవితం ఆధారంగా తెరకెక్కిన ఈ సినిమా పట్ల ప్రేక్షకుల్లో భారీ అంచనాలు ఉన్నాయి. ముంబై, హైదరాబాద్ వంటి నగరాల్లో ప్రీమియర్ షోలు జరిగిన తర్వాత, ఈ చిత్రానికి సోషల్ మీడియాలో పాజిటివ్ స్పందనలు వెల్లువెత్తుతున్నాయి.సినిమా మొదటి భాగం కథా పరిచయంతో పాటు, విష్ణు మంచు పాత్రకు బలంగా పరిచయం చేస్తుంది. యాక్షన్ సీన్స్, విజువల్స్ ఆకట్టుకుంటే, కొంత మంది ఫస్ట్ హాఫ్ నెమ్మదిగా సాగిందని అభిప్రాయపడుతున్నారు.ప్రభాస్ రుద్రుడిగా చేసిన ఎంట్రీతో సినిమాకు గేమ్-చేంజర్ వచ్చినట్లు నెటిజన్లు పేర్కొంటున్నారు.
క్లైమాక్స్లో శివుడిపై అభిమానం ఉప్పొంగేలా చేసిన సన్నివేశాలు ప్రేక్షకుల గుండెలను తాకాయి. ముఖ్యంగా విష్ణు మంచు మరియు ప్రభాస్ మధ్య ఎమోషనల్ డైలాగ్స్ ఆకట్టుకున్నాయి.. మ్యూజిక్: స్టీఫెన్ దేవస్సీ సంగీతం సినిమాకు భావోద్వేగాల స్పూర్తిని అందించింది. సినిమాటోగ్రఫీ: షెల్డన్ ఛావు అందించిన విజువల్స్కి ప్రత్యేక ప్రశంసలు అందుకున్నాయి.విష్ణు మంచు కన్నప్ప పాత్రలో జీవించారు. ప్రభాస్ 40 నిమిషాల స్క్రీన్ టైమ్లో తన శక్తివంతమైన ప్రెజెన్స్తో ఆకట్టుకున్నాడు. మోహన్ లాల్ పాత్ర సినిమాకు హైలైట్గా నిలిచింది. అక్షయ్ కుమార్, శరత్ కుమార్, కాజల్ అగర్వాల్ తమ పాత్రల్లో నైపుణ్యంగా నటించారు.
ముఖేష్ కుమార్ సింగ్, తన ‘మహాభారతం’ అనుభవంతో ఈ చిత్రాన్ని శక్తివంతంగా తెరకెక్కించారు. చారిత్రక, ఆధ్యాత్మిక అంశాలను కలిపి భారీ పాన్-ఇండియా విజన్తో నిర్మించబడిన ఈ చిత్రం, ముఖ్యంగా న్యూజిలాండ్లో చిత్రీకరించిన గ్రాండ్ విజువల్స్తో ప్రత్యేక ఆకర్షణగా నిలిచిందని చెప్పొచ్చు. మొత్తంగా, ‘కన్నప్ప’ సినిమా శివభక్తులకు, పౌరాణిక సినిమాల అభిమానులకు, ఆధ్యాత్మికత పట్ల ఆసక్తి ఉన్నవారికి ఒక గొప్ప సినీ అనుభవాన్ని అందిస్తోంది. బాక్సాఫీస్ వద్ద ఈ చిత్రం ఎంతటి ప్రభావం చూపుతుందో చూడాలి.
