మాజీమంత్రి కోడలి నానిని బొంబాయికి అర్జెంట్ గా తరలించాల్సిన పరిస్థితి ఎందుకు కలిగింది..? గత వారం రోజులుగా హైదరాబాద్ లోని ఏఐజీ హాస్పిటల్లో ఉన్న కొడాలి నానిని అక్కడినుంచి ఎందుకు విమానంలో తరలించారన్న విషయంలో స్పష్టత లేకపోయినా , ఒక విష్యం మాత్రం ఆయన అభిమానులకు ఆందోళన కలిగిస్తోంది. హైదరాబాద్ లోని ఏఐజీ హాస్పిటల్ అంతర్జాతీయ ప్రమాణాలతో నడిచే హాస్పిటల్. ఎంతోమంది ప్రముఖులు దేశ , విదేశాలనుంచి వచ్చి ఇక్కడ వైద్యం చేయించుకుంటారు.
అలాంటిది , ఇక్కడనుంచి ఆయనను ముంబైకి తరలించడమే ఆందోళనకు కారణమైంది. కొడాలి నాని మొదట జీర్ణకోశ సంబంధ సమస్యపై హాస్పిటల్లో చేరినట్టు సమాచారం. ఆ తరువాత ఆయనకు గుండె సంబంధ సమస్యలున్నాయని చెప్పారు. సాధారణంగా అయితే ఈ రెండిటికీ అక్కడ అంతర్జాతీయ ప్రమాణాలతో వైద్య సేవలు ఉన్నాయి. అలాంటిది ఇప్పుడు అక్కడనుంచి విమానంలో ఆయనను ఎందుకు తరలించారు..? అసలు సమస్య ఏమిటి అన్న విషయమై చర్చ జరుగుతొంది..
