సృష్టిలో అనేక జీవులు చిత్ర ,విచిత్రమైన లక్షణాలను కలిగి ఉంటాయి. వాటితో పోల్చుకుంటే మానవులు చాలా వెనకబడే ఉంటారు . ఊసరవెల్లి అనేక రకాలుగా విశిష్ట లక్షణాలను కలిగి ఉంటుంది . ఊసరవెల్లి రెండు కళ్ళను ఎటైనా తిప్పగలదు . విచిత్రం ఏమిటంటే ఎవరికైనా ఒక కన్ను తిప్పితే రెండో కన్ను కూడా అటే తిప్పాల్సి వస్తుంది . కానీ ఊసరవెల్లి మాత్రం ఒక కంటినే తనకు అనుకూలంగా ఉన్న దిక్కున తిప్పగలదు. లేదా గుండ్రంగా తిప్పుకోగలదు రెండో కన్నుతో వేరే దిక్కులు చూడగలదు .ఇది ఊసరవెల్లి లో ఉన్న ఓ ప్రత్యేకమైన లక్షణం. సరీసృపాల్లోగానీ , జంతువుల్లో కానీ ఒక అరుదైన కంటి నిర్మాణం .
దీని నాలుక కూడా కిక్ ఫిక్స్ గం కంటే బలంగా ఉంటుంది . ఒకసారి అది ఎలాంటి కీటకమైనా దాని నాలుకకు తగిలిందంటే ఆ జిగట నుంచి వదిలించుకోలేదు . అది ఊసరవెల్లి కడుపులోకి రావాల్సిందే. ఊసరవెల్లులును గాని పెంచుకుంటే ఆ ఊసరవెల్లి ఏ యజమాని అయితే తన చేత్తో ఆహరం ఇస్తాడో ఇది అతడి దగ్గర ఉండిపోతుంది . ఆహారం కూడా ఆ యజమాని ఇస్తేనే తింటుంది . అయితే ఊసరవెల్లి పెంచుకోవడం అనేది చాలా అరుదుగా జరుగుతుంటుంది. ఊసరవెల్లి రంగులు మారుస్తుందన్న మాట ఎంతవరకు నిజమే. అయితే అది వాతావరణ పరిస్థితులను బట్టి రంగు మారుస్తుంది .
ఇతర ఊసరవెల్లలకు ఒక సంకేతాలు ఇచ్చేందుకు లేదా ఆడఊసరవెల్లితో తన కలయికకోసం భావోద్వేగాన్ని తెలిపేందుకు మాత్రమే రంగులు మారుస్తుంది. దీనికి కారణం వాటి చర్మం లో ఉన్న నానో క్రిస్టల్స్ అని ప్రత్యేక కణజాలం. ఈ కణజాలం వల్ల ఊసరవెల్లులు వాతావరణాన్ని బట్టి సూర్యకాంతిని బట్టి రంగులు మారుస్తాయి . ఆకుపచ్చ , నీలం ,ఎరుపు మరియు పసుపు రంగులో ఊసరవెల్లి రంగులు మార్చగలదు. ఒక్క ఆకుపచ్చ రంగు మాత్రం పూర్తి రంగుతో ఉంటుంది . మిగిలినవి 50 శాతం రంగు కలిగి ఉంటాయి ఈ రంగు మారే కణాలను ఇరుడో స్పోర్స్ అంటారు . ఇవి నానో క్రిస్టల్స్ లాంటి చిన్న చిన్న అతి సూక్ష్మ కణాలను , ద్రవ స్పటికాలను కలిగి ఉంటాయి. అందువల్ల ఇవి మారుతున్న కాంతిని బట్టి రంగులు మారుతాయి . ఊసరవెల్లిలోని భావోద్వేగాలు, అంటే భయం, కలయికకోసం ఆరాటం, వాతావరణం, తదితర విషయాలే ఊసరవెల్లులు రంగు మార్చే కారకాలు.
ఇవి కూడా చదవండి.
ఆ ఫొటోలు బయటపెడుతున్నాడు, ఆపండి సార్..
