వైద్యం వ్యాపారం అయిపోయింది. ఎంబిబిఎస్ మరియు ఆ తర్వాత మెడిసిన్ లో పీజీ కోర్సులు కోట్లు ధార బోసి సీట్లు సంపాదించుకోవాల్సిన దుస్థితి. మెడిసిన్ చదివేందుకు కోట్లు దార పోసి సీట్లు కొట్టేసిన మెజారిటీ విద్యార్థులు ఆ తర్వాత డాక్టర్లయి రోగులను పీడించి వైద్య విద్యను వ్యాపారంగా మార్చి కోట్లు గడిస్తున్న దుస్థితి. ఇది నేటి ప్రపంచ పరిస్థితి . వైద్యరంగంలో నిజమైన సేవ, నిఖార్సైన వైద్య పేదవాడికి , మధ్యతరగతి వాడికి గగనకుసుమైపోయింది. ఇల్లు , వాకిలి, తాళి ఇవన్నీ అమ్ముకుని వైద్యం చేయించుకున్నప్పటికీ సరైన వైద్యం చేయలేని , వైద్యంపై సరైన అవగాహన లేని డాక్టర్లే నూటికి 80 మంది ఉన్నారు. అందువల్ల ఆ తర్వాత కూడా రోగాలు రోస్టులు లేదా మృత్యువే శరణ్యం . ఇలాంటి దౌర్భాగ్యపు పరిస్థితిలో నేటి ప్రపంచ వైద్య రంగం కొట్టుమిట్టాడుతుంది . దానిలో సామాన్యుడు బలైపోతున్నాడు .
బహుశా ఇవన్నీ చూసి ఓ మహాతల్లి, ప్రపంచంలో కోటీశ్వరురాలు ఉచితంగా వైద్య విద్యను చెప్పేందుకు అమెరికాలోని ఆర్కేన్సాస్ లో ఓ పెద్ద మెడికల్ కాలేజీ పెట్టింది. ఆ మెడికల్ కాలేజీలో వైద్య విద్యతో పాటు చరిత్ర , నైతిక విలువలు, దైవం, దైవభక్తి , మానవత్వం ఇలాంటి సబ్జెక్టులుపై కూడా క్లాసులు ఉంటాయి. ఆ తర్వాత మూడో సంవత్సరం నుంచి పల్లెల్లో పేదలకు సేవ చేయడం, పల్లెలోనే నిద్రపోవడం చెయ్యాలి. మూడు గంటలు కాలేజీ మిగిలిన సమయం పల్లెల్లో పేదవారి కోసం పనిచేయడం .. ఇది ఆ కాలేజీ నేర్పించే వైద్యం మరియు మానవత్వంతో కూడిన విద్య. దాదాపు 3 వేల కోట్ల రూపాయలతో ఆలిస్ వాల్టెన్ అనే మహిళ ఈ మెడికల్ కాలేజీని అలెస్ ఎల్ వాల్టెన్ స్కూల్ ఆఫ్ మెడిసిన్ పేరుతో జూలై నెలలో ప్రారంభించింది .
2000 మంది ఈ కాలేజీలో చేరేందుకు అప్లికేషన్ పెట్టుకుంటే , వారిని వడబోసి 48 మందిని మాత్రమే సెలెక్ట్ చేసుకున్నారు. అమెరికాలోని ఆర్కాన్సాస్ లో ఉన్న మెడికల్ కాలేజీ కనీస సదుపాయాల విషయంలో ఆ దేశంలోని 50 రాష్ట్రాల్లో గాను 48వ స్థానంలో ఈ మెడికల్ కాలేజీ ఉంది . అసలు ఈ మెడికల్ కాలేజీ ప్రారంభించాలన్న ఉద్దేశం ఆమెకు ఎందుకు కలిగిందో తెలుసా ..? 1980లో ఆమెకు కారు ప్రమాదం లో కాలు విరిగిపోయింది. వైద్యులు ఆమెకు ఆపరేషన్ చేశారు. అయితే ఆపరేషన్ తర్వాత ఆమెను అనేక ఆరోగ్య సమస్యలు చుట్టుముట్టేశాయి.
ఆపరేషన్ సక్సెస్ కాలేదు . కోటీశ్వరులు కాబట్టి కోట్లు ఖర్చుపెట్టి మూడు సంవత్సరాలకు మామూలు మనిషి కాగలిగింది. ఆమెకు వైద్య కళాశాల పెట్టాలన్న ఆలోచన అప్పుడే కలిగింది . తను కాకుండా వేరే పేదరాలికి ఇలాంటి పరిస్థితి వస్తే ఎలాగన్నది ఆమె ఆలోచన . చేసింది. కనీస పరిజ్ఞానం లేని వైద్యులను పుట్టించే వైద్య కళాశాల వల్ల ఉపయోగం ఏమిటి అన్న ఆలోచన కూడా వచ్చింది. ఈ ఆలోచనలే అత్యుత్తమమైన ఒక మెడికల్ కాలేజీ స్థాపనకు మరియు ఆశయం ,ఆసక్తి ,సేవాగుణం ఉన్న వారిని మొదటిని ఎంపిక చేసి వారికి ఆ విధంగానే శిక్షణ ఇచ్చి మానవత్వమున్న , ప్రజలకు మంచి చేయాలన్నడాక్టర్లను తయారుచేయాలన్న ఉద్దేశం కలిగింది . అందుకే ఈ ఉచిత వైద్య కళాశాల మొదలుపెట్టింది.
